QO'QON XONLIGI AHOLISINING MILLIY TARKIBI VA IJTIMOIY-MADANIY XUSUSIYATLARI
Аннотация
Qo‘qon xonligi aholisi ko‘p millatli tarkibga ega bo‘lgan. Aholining asosiy qismini o‘zbeklar tashkil etib, ular xonlikning turli shahar va qishloqlarida yashagan. Tojiklar ham muhim etnik guruh sifatida Farg‘ona vodiysi va uning atrofidagi hududlarda istiqomat qilgan. O‘zbeklar va tojiklar asosan o‘troq hayot tarzini olib borgan. Xonlikda siyosiy hokimiyat o‘zbeklarning ming urug‘iga mansub sulola qo‘lida bo‘lgan. Davlat boshqaruvida asosan o‘zbek amaldorlari faoliyat yuritgan. Shunga qaramay, rasmiy ish yuritishda fors tili keng qo‘llanilgan. Shu bilan birga, o‘zbek tilida ham hujjatlar yozilganligi til siyosatining o‘ziga xosligini ko‘rsatadi. Tadqiqotchi N. Petrovskiy Qo‘qon xonligi aholisining ijtimoiy va ma’naviy fazilatlarini alohida ta’kidlagan. Uning fikricha, xonlik aholisi ochiqko‘ngillik, bag‘rikenglik va samimiylik kabi ijobiy xususiyatlari bilan ajralib turgan.