IJTIMOIY TARMOQLAR VA TIL MADANIYATI
Аннотация
Ushbu maqolada ijtimoiy tarmoqlarning til madaniyatiga ta’siri, raqamli muloqot sharoitida nutq me’yorlarining o‘zgarishi, savodxonlik, qisqartma va aralash til hodisalari, internet etiketasi hamda davlat tilining raqamli makondagi nufuzini oshirish masalalari tahlil qilinadi. Ijtimoiy tarmoqlar muloqotni tezlashtirishi, fikr almashish imkoniyatlarini kengaytirishi bilan birga, adabiy til me’yorlariga befarqlik, imlo xatolari, qo‘pol muomala, asossiz axborot tarqatish va tilning soddalashuvi kabi muammolarni ham yuzaga keltirmoqda. Maqolada O‘zbekiston Respublikasining davlat tili haqidagi qonunchiligi, o‘zbek tilini rivojlantirishga oid davlat siyosati, UNESCOning media va axborot savodxonligi haqidagi yondashuvlari asosida ijtimoiy tarmoqlarda til madaniyatini oshirishning ilmiy-amaliy yo‘llari yoritiladi.