OG'IZ BO'SHLIG'IDA AFT HOSIL BO'LISHIDA EPITELIY BARERI VA CANDIDA ALBICANS NING O'ZARO TA'SIRI
Аннотация
Mazkur maqolada og'iz bo'shlig'ida AFT hosil bo'lishi jarayonini matematik modellashtirish asosida tahlil qilindi. aftoz jarayon og'iz shilliq qavatida yuzaga keladigan murakkab biologik hodisa bo'lib, uning rivojlanishida mikroorganizmlar faolligi, immun tizim javobi va epiteliy to'qimasining shikastlanishi muhim o'rin tutadi. Tadqiqotda ushbu omillar o'rtasidagi o'zaro bog'liqlik dinamik tizim sifatida qaralib, jarayon differensial tenglamalar yordamida ifodalandi. Taklif etilgan matematik model mikroflora miqdori, immun javob darajasi, epiteliy holati va AFT rivojlanish bosqichlarining vaqt bo'yicha o'zgarishini tavsiflaydi. Model asosida AFTning paydo bo'lishi, kuchayishi va tiklanish jarayonlarini matematik jihatdan tahlil qilish imkoniyati yaratiladi. Olingan natijalar klinik kuzatuvlarni tushuntirish, AFT rivojlanishini bashorat qilish hamda profilaktik va davolovchi choralarni optimallashtirishda qo'llanishi mumkin.