STOMATOLOGIYA KABINETLARIDA RADIATSIYA MUHITINI GIGIYENIK BAHOLASH
Аннотация
Zamonaviy stomatologik amaliyotda rentgenologik tekshiruvlar tashxis qo‘yish, davolash taktikasini tanlash va kasalliklarning erta bosqichlarini aniqlashda muhim ahamiyat kasb etadi. Intraoral, panoramik va konus-nurli kompyuter tomografiyasi kabi radiologik usullarning keng qo‘llanilishi stomatologiya kabinetlarida ionlashtiruvchi nurlanish manbalarining doimiy mavjudligini taqozo etadi. Ushbu holat bemorlar bilan bir qatorda tibbiyot xodimlari uchun ham ma’lum darajada radiatsion yuklamaning shakllanishiga olib keladi. Radiatsiyaning past dozalari nisbatan xavfsiz deb baholansa-da, uning uzoq muddatli va yig‘ma biologik ta’siri gigiyenik jihatdan chuqur o‘rganishni talab etadi. Mazkur maqolada stomatologiya kabinetlarida radiatsiya muhitini gigiyenik baholashga oid zamonaviy ilmiy yondashuvlar tahlil qilinib, radiatsiya manbalari, nurlanish darajalariga ta’sir etuvchi omillar hamda radiatsion himoya choralarining samaradorligi yoritilgan.