ARAB GAZETALARIDA RIVOJLANISH, TASHRIF VA MUZOKARALARGA OID XABARLARNING STILISTIK VA GRAMMATIK XUSUSIYATLARI
Аннотация
. Ushbu ilmiy ish arab gazetalarida rivojlanish, rasmiy tashriflar va diplomatik muzokaralarga oid xabarlarning stilistik va grammatik xususiyatlarini o‘rganishga bag‘ishlanadi. Unda arab matbuoti tilining rasmiy-diplomatik uslubi, leksik qo‘llanmalari, takroriy terminlari hamda sarlavha qurilishidagi asosiy tendensiyalar tahlil qilinadi. Shuningdek, siyosiy yangiliklarda keng uchraydigan fe’l–fa’il tartibi, majhul fe’llar, masdar shakllari, izofa konstruksiyalari va murakkab bog‘lovchi birliklar kabi grammatik vositalarning qo‘llanish tamoyillari ochib beriladi. Tadqiqot davomida diplomatik nutqning obyektiv, neytral va rasmiy ohang yaratishdagi leksik-grammatik vositalari yoritiladi hamda arab OAVlaridagi axboriy matnlarning kompozitsion tuzilishi ham tahlil qilinadi. Mazkur ish arab tilidagi siyosiy matnlarning lingvostilistik xususiyatlarini anglash, ularni tahlil qilish va tarjima jarayonida to‘g‘ri tatbiq etish uchun ilmiy-amaliy asos yaratadi. Arab gazetalari siyosiy va ijtimoiy bilimni oshirosh, yangi tushunchalarni ommalashtirish, va yoshlarni siyosiy jarayonlarga jalb qilishda katta rol o‘ynaydi, shu bois ular nafaqat axborot manba, balki siyosiy bilim va manba, balki siyosiy bilim va manbani rivojlantiruvchi muhim manba hisoblanadi.