BIRINCHI RENESSANS ALLOMALARI MEROSI – ZAMONAVIY INNOVATSION TA'LIM VA ILM-FAN INTEGRATSIYASINING POYDEVORI
Аннотация
Mazkur maqolada Birinchi Renessans – IX–XII asrlar allomalarining ilmiy-pedagogik merosi zamonaviy innovatsion ta’lim va ilm-fan integratsiyasining konseptual poydevori sifatida tadqiq etiladi. Al-Xorazmiy, Al-Forobiy, Ibn Sino va Beruniy kabi mutafakkirlarning ilmiy-metodologik qarashlari bugungi “soft skills”, STEAM-ta’lim hamda “ta’lim – ilm-fan – ishlab chiqarish” uchligi bilan qiyosiy-falsafiy asosda tahlil qilinadi. Tadqiqot jarayonida allomalar merosini amaldagi pedagogik tizimga singdirishning edutainment, aksiologik integratsiya va loyihaviy ta’lim kabi innovatsion texnologik mexanizmlari ochib beriladi. Shuningdek, maqolada ushbu merosni xalqaro ilmiy diplomatiya va global ta’lim maydoniga olib chiqishdagi ahamiyati asoslab beriladi. Tadqiqot natijalari Birinchi Renessans qadriyatlari zamonaviy o‘quvchilarda ma’naviy boy, tanqidiy fikrlovchi va raqobatbardosh shaxsni tarbiyalash uchun muhim metodologik asos bo‘lib xizmat qilishini ko‘rsatadi.