MIOTOMADA BIOKIMYOVIY TAHLILLAR VA ULARNING O'ZGARISH DINAMIKASI

Miotomalar — bu skelet mushaklarini zararlovchi kasalliklar guruhi bo‘lib, ularning asosida genetik, metabolik yoki yallig‘lanishli omillar yotadi. Ushbu kasalliklarda mushak tolalarida strukturaviy o‘zgarishlar, hujayra ichidagi energetik va biokimyoviy muvozanatning buzilishi kuzatiladi. Biokimyoviy tahlillar — kasallik kechishini baholash va davolash samaradorligini monitoring qilishning asosiy vositasi hisoblanadi. Maqolada kreatin kinaza (CK), miyoglobin, laktat dehidrogenaza (LDH), aminotransferazalar, microRNA, neyrofilamentlar va immunologik markerlarning dinamik o‘zgarishi tahlil qilindi. Tadqiqotlar shuni ko‘rsatadiki, CK va miyoglobin faollashgan davrda keskin oshadi, davolash bosqichida esa asta-sekin pasayadi. Yangi biomarkerlar esa erta diagnostika va terapiyaga javobni baholashda muhim ahamiyatga ega. Biokimyoviy monitoringni klinik belgilar va instrumental tahlillar bilan birgalikda olib borish diagnostik aniqlikni oshiradi va davolash natijasini yaxshiroq baholash imkonini beradi.

Ҳали таржима қилинмаган