O'QUVCHILARGA TRANSFORMATORLAR MAVZUSINI O'QITISHDA INTERFAOL METODLARDAN FOYDALANISH
Litsenziya: cc-by
Annotatsiya
Ushbu tadqiqotning maqsadi: umumta’lim maktablari 5 – sinf Texnologiya darsida transformatorlar mavzusini o‘qitishda interfaol metodlardan foydalangan holda o‘qitishning o‘quvchilar muvaffaqiyatiga ta’sirini aniqlashdir. Ushbu tadqiqot eksperimental guruh va nazorat guruhlarida o‘tkazildi. Tasodifiy tanlangan o‘quvchilarning 30 nafari bizning eksperimental guruhimizda, ulardan 31 nafari nazorat guruhimizda ishtirok etdi. Eksperimental guruh o‘quvchilariga interfaol o‘qitish usullaridan, ikkinchi guruhidagi o‘quvchilarga esa bevosita ma’ruza usuli va savol – javob texnikasi qo‘llanildi. Tahlillar natijalariga ko‘ra interfaol o‘qitish metodlari qo‘llanilgan eksperimental guruh o‘quvchilarining o‘quv yutuqlari sezilarli darajada oshgani kuzatildi.