TURIZM SANOATIDA RAQAMLI TEXNOLOGIYALAR VA SMART TURIZM PLATFORMALARINING SAMARADORLIGI
Annotatsiya
Turizm sohasida raqamli texnologiyalar va smart turizm platformalari turizm industriyasining raqobatbardoshligini ta’minlashda hal qiluvchi omilga aylanmoqda. Soha vakillari onlayn xizmatlar, mobil ilovalar va sun’iy intellekt imkoniyatlaridan unumli foydalanish orqali mahsulot va xizmatlar sifatini oshirish, turistlar sonini ko‘paytirish, iqtisodiy samaradorlikni yaxshilash va turizm brendlarini mustahkamlashlari mumkin. Shu bilan birga, zamonaviy texnologiyalarning to‘g‘ri qo‘llanishi mijozlarga yuqori darajadagi qulaylik va xavfsizlikni ta’minlab, turizm sohasining barqaror rivojlanishiga keng yo‘l ochadi. O‘zbekiston Respublikasi so‘nggi yillarda turizm sohasini jadal rivojlantirish, uni iqtisodiyotning ustuvor yo‘nalishlaridan biriga aylantirish borasida keng ko‘lamli islohotlarni amalga oshirmoqda. Xususan, raqamli texnologiyalarni joriy etish va “aqlli” (smart) turizm platformalarini rivojlantirishga qaratilgan hujjatlar ham qabul qilinib, amaliyotga tadbiq etilmoqda. Ushbu maqolada mazkur islohotlarning huquqiy asosi, amaliy qo‘llanilishi va kutilyotgan samarasi haqida fikr boradi