SOLIQ MA'MURIYATCHILIGI MEXANIZMI VA UNING RAQAMLI IQTISODIYOTDA RIVOJLANISHI
Annotatsiya
Maqolada soliq ma’muriyatchiligi mexanizmining mohiyati, uning asosiy tarkibiy qismlari va raqamli iqtisodiyot sharoitida rivojlanish xususiyatlari ilmiy jihatdan tahlil qilingan. Tadqiqotda institutsional, funksional, huquqiy va raqamli elementlar o‘zaro bog‘liqlikda ko‘rib chiqilib, ularning soliq tizimi samaradorligini oshirishdagi roli yoritilgan. O‘zbekiston soliq tizimida amalga oshirilgan islohotlar, jumladan elektron hisob-fakturalar, onlayn nazorat-kassa mashinalari hamda yagona soliq ma’lumotlar bazasining joriy etilishi misolida innovatsion vositalarning amaliy ahamiyati baholangan. Shuningdek, sun’iy intellekt, katta ma’lumotlar tahlili, blokcheyn va prediktiv analitika kabi ilg‘or texnologiyalarni tatbiq etish istiqbollari hamda ularning fiskal boshqaruvdagi afzalliklari asoslab berilgan.