KOMPANIYALARNING MOLIYAVIY BANKROTLIK XAVFLARINI ANIQLASH MASALALARI
Annotatsiya
Ushbu maqolada biz kompaniyalarning moliyaviy bankrotlik xavflarini baholashning nazariy va amaliy jihatlarini koʻrib chiqamiz. Xususan, tadqiqot davomida biz Altman va Springgeyt modellari kabi klassik prognozlash modellarining aniqligini logistik regressiya usuliga asoslangan zamonaviy model bilan taqqosladik. Tahlil uchun 120 ta kompaniyaning moliyaviy ma’lumotlaridan foydalanildi. Bu bizga modellardan qaysi biri bankrotlik ehtimolini aniqroq bashorat qilishi haqida xulosa chiqarish imkonini berdi. Tadqiqot natijalari shuni ko‘rsatdiki, logistik regressiya moliyaviy risklarni bashorat qilish uchun eng samarali vosita hisoblanadi. Prognozlashning klassik modellari ham muhim ahamiyatga ega bo‘lsa-da, ular zamonaviy iqtisodiyotning o‘ziga xos xususiyatlariga moslashishni talab qiladi.