ҚОРАМОЛЛАР ТЕЙЛЕРИОЗИНИ ДАВОЛАШДА ПИРОГАРД 2,4 ПРЕПАРАТИНИНГ САМАРАДОРЛИГИ
Annotatsiya
Мақолада Пирогард 2,4 препаратининг терапевтик самарадорлиги тейлериоз билан спонтан касалланган Чимбой туманидаги «Ғарезсизлик» фермер хўжалигидаги 8 бош қорамолларда ўрганилган. Касаллик ўрта ва енгил кечганда касалланган ҳайвонларда тана ҳарорати 40,5-40,90 С оралиғида паразитемия 0,08 -0,01,оғир шаклида 40,9-41,6°C оралиғида бўлиб паразитемия 17-22 % ташкил этган. Периферик қон томирларидан суртмалар тайёрланиб, Романовский–Гимза усулида бўялган ва микроскопик таҳлил натижасида тейлериоз қўзғатувчиси Th.annulata аниқланган. Тажрибалар 2 гуруҳда олиб борилган (n=4). Биринчи тажриба гуруҳидаги қорамолларга Пирогард 2,4 препарати 1 мл/20 кг тирик вазнига 7% ли эритма шаклида бир марта, иккинчи гуруҳдаги қорамолларга 1 мл/20 кг тирик вазнига 7% ли эритма шаклида мушак орасига 24 соат интервал билан қўлланилган. Специфик препарат билан биргаликда симптоматик препаратлар қўлланилган. Ўтказилган тадқиқотлар натижасида амалиётда тейлериоз билан спонтан ҳолда касалланган енгил клиник ҳолатда кечган қорамолларнинг 20 кг тирик вазни ҳисобига 1 марта 1,0 мл дан Пирогард 2,4 препарати билан даволашдан олинган самарадорлик юқори натижада бўлиши, оғир ҳолатда кечган касалликдан даволашда 20 кг тирик вазни ҳисобига 1,0 мл дан 24 соат интервал билан қўллашдан олинган самарадорлик (100%) бўлиши аниқланди.