SUN’IY INTELLEKT — TARJIMONLAR UCHUN YANGI IMKONIYATLAR DAVRI
Annotatsiya
Annotatsiya: Ushbu maqolada sun’iy intellekt texnologiyalarining tarjima sohasida qo‘llanishi va uni universitetlarda o‘quv fani sifatida o‘qitishning ahamiyati yoritilgan. Sun’iy intellekt vositalari tarjimonlarga matnlarni tez va aniq tarjima qilish, tahrir jarayonini soddalashtirish hamda terminologik izchillikni saqlashda yordam berishi ta’kidlanadi. Shuningdek, maqolada bu yo‘nalishni oliy ta’lim tizimiga kiritish orqali talabalarni zamonaviy tarjima texnologiyalari bilan tanishtirish, ularning tahliliy fikrlashini rivojlantirish va o‘zbek tilini raqamli muhitda mustahkamlash imkoniyatlari tahlil qilinadi. Sun’iy intellekt asosidagi tarjima fani lingvistika, informatika va texnologiyalarni birlashtirgan yangi o‘quv yo‘nalish sifatida kelajak tarjimonlarini raqobatbardosh, innovatsion fikrlovchi mutaxassislar sifatida tayyorlashga xizmat qiladi.