STATISTIK TAHLIL JARAYONLARINI OLIB BORISHDA SUN’IY INTELLEKTDAN FOYDALANISH
Litsenziya: cc-by
Annotatsiya
So‘nggi yillarda raqamli texnologiyalar va ma’lumotlar hajmining keskin oshishi statistik tahlil usullarining yanada takomillashuviga sabab bo‘ldi. An’anaviy statistik yondashuvlar ko‘plab masalalarni hal qilishda samarali bo‘lsa-da, katta hajmli, murakkab va noaniq ma’lumotlar bilan ishlashda ularning imkoniyatlari cheklanishi mumkin. Aynan shu nuqtada sun’iy intellekt (SI) va mashinaviy o‘rganish texnologiyalari statistik tahlil jarayonlariga keng joriy etilmoqda. Sun’iy intellekt — bu kompyuter tizimlarining inson aqliy faoliyatiga xos bo‘lgan tahlil qilish, o‘rganish, xulosa chiqarish va qaror qabul qilish jarayonlarini taqlid qilishi hisoblanadi. Statistik tahlil bilan uyg‘unlashgan holda SI katta hajmdagi ma’lumotlardan yashirin qonuniyatlarni aniqlash, aniq prognozlar berish va samarali qarorlar qabul qilish imkonini yaratadi. Ushbu maqolada statistik tahlil jarayonlarida sun’iy intellektdan foydalanishning nazariy asoslari, amaliy qo‘llanilishi, afzalliklari va cheklovlari batafsil yoritiladi.