Asosiy kontentga oʻtish
Maqola

BARQAROR INNOVATSIYALAR ASOSIDA SUD TIZIMIDA MODDIY-TEXNIK RESURSLARNI BOSHQARISH SAMARADORLIGINI OSHIRISH

2025uz
ABI

Annotatsiya

Tezisda barqaror innovatsiyalar asosida sud tizimida moddiy-texnik resurslarni boshqarish samaradorligini oshirish masalalari oʻrganildi. Davlat boshqaruvidagi innovatsiyalar, elektron odil sudlov, barqaror davlat xaridlari va hayotiy sikl xarajatlari yondashuvlari umumlashtirildi. Sud faoliyatini raqamlashtirish natijasida erishilgan tejamkorlik koʻrsatkichlari tahlil qilindi: videokonferensiya tizimi bilan jihozlangan 400 ga yaqin zal orqali ikki yilda 161 mlrd soʻm, har bir zal hisobiga esa taxminan 402 mln soʻm mablagʻ tejalgani aniqlandi. Murojaatlarning 60 foizi elektron shaklga oʻtgani, 35 ta davlat tashkilotining 52 ta axborot tizimi Oliy sud tizimi bilan integratsiya qilingani koʻrsatildi. Uzoq muddat foydalaniladigan aktivlarni xarid qilishda eng past narx oʻrniga eng kichik hayotiy sikl xarajati mezonini qoʻllash asoslandi. Raqamli aktivlar reestri, hayotiy sikl xarajatlari asosidagi xarid, energiya samarador binolar va raqamli sud xizmatlarini yagona axborot tizimi atrofida birlashtirgan model hamda uning samaradorlik koʻrsatkichlari taklif etildi.

Identifikatorlar

Iqtiboslar va manbalar