Jahon savdo tashkilotiga integratsiyalashuv sharoitida Oʻzbekiston Respublikasining tashqi savdo balansini taʼminlash
Litsenziya: cc-by
Annotatsiya
Jahon iqtisodiyotidagi globallashuv jarayonlari davlatlar tashqi savdo siyosatining ochiqligini va xalqaro iqtisodiy tashkilotlar bilan integratsiyalashuvini taqozo etmoqda. Ayniqsa, Jahon savdo tashkiloti (JST) bilan hamkorlik va a’zolik masalasi O‘zbekiston Respublikasi uchun strategik ahamiyat kasb etadi. JSTga a’zo bo‘lish O‘zbekiston uchun nafaqat xalqaro maydonda teng huquqli savdo sherigiga aylanish, balki ichki iqtisodiy islohotlarni chuqurlashtirish va tashqi savdo balansining barqarorligini ta’minlash imkoniyatidir. O‘zbekiston mustaqillik yillarida tashqi savdo sohasida muhim yutuqlarga erishdi. Biroq eksport tarkibi asosan xomashyo mahsulotlariga tayanadi. Bu holat global narxlar tebranishiga yuqori darajadagi qaramlikni yuzaga keltiradi.