XALQARO AEROPORTLAR HUDUDIDA KONTRABANDA VA NOQONUNIY MIGRATSIYAGA QARSHI KURASHISHDA TEZKOR-QIDIRUV FAOLIYATINING O'ZIGA XOS XUSUSIYATLARI
Annotatsiya
Ushbu maqolada xalqaro aeroportlar hududida kontrabanda va noqonuniy migratsiyaga qarshi kurashishda tezkor-qidiruv faoliyatining o‘ziga xos xususiyatlari O‘zbekiston Respublikasining “Tezkor-qidiruv faoliyati to‘g‘risida”gi O‘RQ-344-son Qonuni, Jinoyat kodeksining 246 va 223-moddalari, Bojxona kodeksi, shuningdek “Davlat chegarasi to‘g‘risida”gi O‘RQ-868-son Qonun asosida kompleks tarzda tahlil qilinadi. Maqolada aeroportlar hududidagi tezkor-qidiruv tadbirlarining huquqiy asoslari, bojxona va chegara nazorat organlari hamda DXX bilan o‘zaro hamkorlik mexanizmlari, fuqaro aviatsiyasida aviatsiya xavfsizligi talablariga rioya etilishi va tezkor-qidiruv faoliyatining maxsus usullari — nazorat ostida yetkazib berish, niqoblangan operatsiyalar va tezkor kuzatuv — ko‘rib chiqiladi. Bundan tashqari, amaliyotda yuzaga kelayotgan muammolar: idoralararo ma‘lumot almashish tizimining yetarli emasligi, texnik vositalar bilan ta‘minlanishdagi bo‘shliqlar va aviatsiya yo‘nalishidagi maxsus kadrlar tayyorlashning zaif tashkillashtirilganligi tahlil etilib, ularni bartaraf etish bo‘yicha ilmiy asoslangan tavsiyalar ishlab chiqiladi.