АЛЦГЕЙМЕР КАСАЛЛИГИДА ИЖТИМОИЙ ҲИМОЯ, ОИЛАВИЙ ПАРВАРИШ ВА БЕМОРЛАР ҲАЁТ СИФАТИНИ ЯХШИЛАШНИНГ ЗАМОНАВИЙ СТРАТЕГИЯЛАРИ
Annotatsiya
Резюме. Алцгеймер касаллиги қариялар орасида учрайдиган деменциянинг энг кенг тарқалган шакли бўлиб, бутун дунё соғлиқни сақлаш тизими учун муҳим тиббий ва ижтимоий муаммо ҳисобланади. Аҳолининг қариши, умр кўриш давомийлигининг ортиши ва нейродегенератив касалликлар тарқалишининг ўсиши мазкур патологиянинг долзарблигини янада кучайтирмоқда. Алцгеймер касаллиги когнитив функцияларнинг изчил пасайиши, хотира, нутқ, тафаккур ва кундалик ҳаёт фаолиятининг бузилиши билан кечиб, беморнинг функционал мустақиллигини сезиларли даражада чеклайди. Бу ҳолат нафақат беморнинг ўзига, балки унинг оила аъзолари, парваришловчилари ва бутун жамиятга ҳам катта ижтимоий-иқтисодий юк юклайди. Мазкур мақолада Алцгеймер касаллигида ижтимоий ҳимоянинг замонавий тамойиллари, оилавий парваришнинг аҳамияти, парваришловчиларнинг психологик ва ижтимоий юки, беморлар ҳаёт сифатини яхшилашнинг инновацион усуллари ҳамда рақамли технологияларнинг аҳамияти таҳлил қилинган. Шунингдек, деменцияга дўст муҳит яратиш, телемедицина имкониятларидан фойдаланиш ва мультидисциплинар ёндашувнинг клиник ҳамда ижтимоий самарадорлиги муҳокама қилинган. Тадқиқот натижалари Алцгеймер касаллигида тиббий ёрдам билан бир қаторда ижтимоий қўллаб-қувватлаш тизимларини ривожлантириш беморлар ҳаёт сифатини яхшилаш ва касаллик оқибатларини юмшатишда муҳим аҳамият касб этишини кўрсатади. Калит сўзлар: Алцгеймер касаллиги, деменция, ижтимоий ҳимоя, оилавий парвариш, парваришловчи юки, геронтология, ҳаёт сифати, телемедицина, мультидисциплинар ёндашув.
Hali tarjima qilinmagan