МЕХАНИК САРИҚЛИКДА МАГНИТ-РЕЗОНАНС ХОЛАНГИОПАНКРЕАТОГРАФИЯ ВА УЛТРАТОВУШ ТЕКШИРУВИ: ДИАГНОСТИК САМАРАДОРЛИКНИ СОЛИШТИРМА ТАҲЛИЛИ

Резюме. Мақсад: механик сариқликнинг сабабини аниқлашда магнит-резонанс холангиопанкреатография (МРХПГ) ва ултратовуш текшируви (УТТ) нинг диагностик самарадорлигини солиштирма таҳлил қилиш. Материал ва усуллар: 2020–2025 йилларда механик сариқлик синдроми бўлган 312 нафар бемор тадқиқотга жалб этилди. Барча беморларга УТТ (Siemens ACUSON S2000, конвекс 3,5–5 МГц датчик) ва МРХПГ (Siemens MAGNETOM Aera 1,5 Тл, MRCP Last sq. протокол) ўтказилди. Ташхис хирургик верификация ёки ЭРХПГ натижалари билан тасдиқланди. Натижалар: Сариқликнинг яхши сифатли сабабларини аниқлашда МРХПГ сезгирлиги 94,2% ва хусусийлиги 96,8% ни, УТТ сезгирлиги 78,4% ва хусусийлиги 82,6% ни ташкил этди (AUC мос равишда 0,965 ва 0,836; p<0,001). Холедохолитиазни аниқлашда МРХПГ аниқлиги 96,4% га, УТТ аниқлиги 71,8% га тенг бўлди. Ўт йўлларини кенгайишини баҳолашда иккала усул мос натижа берди (r=0,89; p<0,001). Хулоса: МРХПГ механик сариқлик сабабларини дифференциал ташхислашда УТТ дан сезиларли устун туради. Бироқ УТТ дастлабки скрининг усули сифатида самаралидир; мураккаб ёки нозик ҳолатларда МРХПГ мажбурий тасдиқловчи усул ҳисобланади. Калит сўзлар: механик сариқлик, МРХПГ, ултратовуш, холедохолитиаз, билиар обструкция, диагностик аниқлик, солиштирма таҳлил, билиопанкреатодуоденал соҳа, ўт йўллари.

Hali tarjima qilinmagan