МЕХАНИК САРИҚЛИКДА ЖИГАР ГЕМОДИНАМИКАСИНИНГ ДОППЛЕРОГРАФИК КЎРСАТКИЧЛАРИ ВА ЖИГАР ЕТИШМОВЧИЛИГИ РИВОЖЛАНИШИНИНГ ЭРТА ПРЕДИКТОРЛАРИ

Резюме. Мақсад: Механик сариқликда жигар гемодинамикасининг допплерографик кўрсаткичлари асосида жигар етишмовчилигини эрта башоратлаш имкониятларини ўрганиш. Материал ва усуллар: 2015–2024 йилларда Самарқанд давлат тиббиёт университети клиникаларида даволанган 424 нафар яхши сифатли механик сариқлик (ЯСМС) билан оғриган бемор тадқиқотга жалб этилди. Асосий гуруҳ (n=296) ва назорат гуруҳи (n=128) га бўлинди. Барча беморларга ультратовуш текшируви, дуплекс сканлаш, рангли допплер хариталаш ва импульсли тўлқинли допплерография амалга оширилди. ЯСМС оғирлиги А, В, С синфларга кўра баҳоланди. Натижалар: Портал вена ва умумий жигар артериясидаги қон оқими параметрлари ўртасида кучли тескари корреляция (r=−0,7; р<0,001) аниқланди. С синф беморларда умумий жигар артериясида Vmax меъёрдан 51,7% га юқори, пульсация индекси (PI) 5,26 марта ошди. Допплерографик предикторларни клиник амалиётга жорий этиш операциядан кейинги ўлим кўрсаткичини 6,5% дан 4,05% га камайтиришга (р<0,05) хизмат қилди. Хулоса: Жигар гемодинамикасининг допплерографик кўрсаткичлари ЯСМС да жигар етишмовчилиги ривожланишини биокимёвий ўзгаришлардан олдин аниқлайдиган ишончли предикторлар ҳисобланади. Калит сўзлар: механик сариқлик, жигар гемодинамикаси, допплерография, жигар етишмовчилиги, билиар декомпрессия, предиктор, портал вена, миниинвазив аралашув.

Hali tarjima qilinmagan