КАРОТИД АРТЕРИЯЛАР ИНТИМА-МЕДИА ҚАТЛАМИ ҚАЛИНЛИГИНИ УЛТРАТОВУШ БИЛАН АНИҚЛАШНИНГ КЛИНИК АҲАМИЯТИ

Резюме. Мақсад: ишемик инсульт хавф гуруҳларидаги беморларда каротид артериялар интима-медиа қатлами (ИМҚ) қалинлиги ва атеросклеротик жараён ривожланиши ўртасидаги боғлиқликни аниқлаш. Материал ва усуллар: 2022–2025 йилларда артериал гипертензия, қандли диабет ва диcлипидемия ташхиси қўйилган 50–74 ёшдаги 412 нафар бемор ўрганилди. Mindray M6 ва Siemens ACUSON аппаратларида ИМҚ ўлчаш ва пилакчаларни аниқлаш ўтказилди. ИМҚ меъёри 0,9 мм дан паст деб белгиланди. Натижалар: ИМҚ ишемик инсульт ривожланиш хавфи билан кучли мусбат корреляцияга эга (r=0,74; р<0,001). ИМҚ>1,2 мм бўлган беморларда ишемик инсульт хавфи ИМҚ<0,9 мм гуруҳига нисбатан 5,8 баробар юқори (OR=5,8; 95% CI: 3,4–9,8; р<0,001). Антигипертензив ва гиполипидемик даволаш фонида ИМҚ 12 ойда ўртача 0,08 мм га камайди. Хулоса: ИМҚ ни ултратовуш ёрдамида ўлчаш атеросклеротик жараённи эрта аниқлашда, ишемик инсульт хавфини баҳолашда ва даволаш самарадорлигини назорат қилишда юқори аҳамиятга эга. Калит сўзлар: интима-медиа қалинлик, каротид артерия, ишемик инсульт, атеросклероз, ултратовуш, хавф омиллари, профилактика, допплерография.

Hali tarjima qilinmagan