ПАРКИНСОН КАСАЛЛИГИ БИЛАН ОҒРИГАН БЕМОРЛАРДА ДИСФАГИЯНИНГ КЛИНИК АҲАМИЯТИ ВА ҲАЁТ СИФАТИГА ТАЪСИРИ

Резюме. Паркинсон касаллиги ташхиси қўйилган пайтда дисфагиянинг мавжуд бўлиши кўп ҳолларда идиопатик Паркинсон касаллигидан (ПК) кўра, атипик паркинсонизм синдромларини кўрсатиши мумкин. Дисфагия Паркинсон касаллигининг энг муҳим номотор асоратларидан бири бўлиб, у беморларнинг ҳаёт сифатига салбий таъсир кўрсатади, нутритив етишмовчилик, дегидратация, аспирацион пневмония ва ўлим хавфининг ортиши билан боғлиқ. Шунингдек, ютиш функциясининг бузилиши касалликнинг ривожланиш босқичлари билан чамбарчас боғлиқ бўлиб, унинг оғирлашиб бориши билан дисфагиянинг учраш частотаси ва клиник намоён бўлиши ҳам ортади. Шу муносабат билан, Паркинсон касаллигида дисфагияни эрта аниқлаш ва унинг касаллик босқичлари билан ўзаро боғлиқлигини баҳолаш муҳим клиник аҳамиятга эга ҳисобланади. Ушбу тадқиқотнинг мақсади Паркинсон касаллигининг турли босқичларида беморларда дисфагиянинг учраш частотасини аниқлаш, унинг клиник хусусиятларини баҳолаш ҳамда касаллик прогрессияси билан боғлиқлигини ўрганишдан иборат. Олинган натижалар дисфагияни эрта диагностика қилиш, асоратларнинг олдини олиш ва беморларнинг ҳаёт сифатини яхшилашга қаратилган комплекс терапевтик ва реабилитацион чора-тадбирларни такомиллаштиришга хизмат қилиши мумкин. Калит сўзлар: Паркинсон касаллиги, дисфагия, ютишнинг бузилиши, номотор симптомлар, номотор симптомлар шкаласи (NMSS, Non-Motor Symptoms Scale), ҳаёт сифати.

Hali tarjima qilinmagan