ПСОРИАЗ ВA ГЕПАТОБИЛИАР ДИСФУНКСИЯ ЎРТАСИДАГИ ИММУНОМЕТАБОЛИК ЎЗАРО ТAЪСИР: ЯНГИ МОЛЕКУЛЯР МЕХАНИЗМЛАР ВA КЛИНИК ОҚИБАТЛАР
Annotatsiya
Резюме. Псориаз сурункали иммун яллиғланишли дерматоз бўлиб, у нафақат тери қоплами билан, балки тизимли метаболик ва виссерал бузилишлар билан ҳам чамбарчас боғлиқдир. Сўнгги йилларда псориаз ва гепатобилиар тизим касалликлари — айниқса метаболик дисфунксия билан боғлиқ ёғли жигар касаллиги (MAFLD), холестатик бузилишлар, аутоиммун гепатит ва ўт йўллари патологиялари — ўртасидаги патогенетик боғлиқлик фаол ўрганилмоқда. Ушбу шарҳда иммунометаболик дисрегулятсия, IL-17/IL-23 ўқи, TNF-α, адипокинлар, оксидловчи стресс, ичак–жигар–тери ўқи ҳамда гепатобилиар дисфунксиянинг псориаз оғирлиги билан икки томонлама боғлиқлиги таҳлил қилинади. Шунингдек, замонавий биомаркерлар ва нишонли терапевтик ёндашувлар кўриб чиқилади. Псориаз ва гепатобилиар бузилишлар ўртасидаги икки томонлама иммунометаболик алоқани тушуниш касалликни эрта ташхислаш, индивидуаллаштирилган даволаш стратегияларини ишлаб чиқиш ва беморларни мултидисиплинар бошқариш имконини беради. Калит сўзлар: псориаз, иммунометаболизм, гепатобилиар тизим, MAFLD, ситокинлар, IL-17, TNF-α, адипокинлар, ичак–жигар–тери ўқи, оксидловчи стресс.
Hali tarjima qilinmagan