СУНЪИЙ ИНТЕЛЛЕКТ ТЕХНОЛОГИЯЛАРИНИНГ НЕВРОЛОГИК КАСАЛЛИКЛАРНИ ЭРТА ДИАГНОСТИКА ҚИЛИШДАГИ АҲАМИЯТИ

Резюме. Сўнгги йилларда сунъий интеллект (Artificial Intelligence, AI) технологиялари тиббиётнинг барча соҳалари қаторида неврологияда ҳам жадал ривожланиб, касалликларни эрта аниқлаш, ташхис қўйиш аниқлигини ошириш ҳамда даволаш тактикасини танлашда муҳим аҳамият касб этмоқда. Неврологик касалликларнинг аксарияти узоқ муддатли клиник кечиши, марказий асаб тизимида қайтмас морфологик ўзгаришларни юзага келтириши ва юқори ногиронликка олиб келиши билан тавсифланади. Шу сабабли уларни касалликнинг дастлабки босқичида аниқлаш замонавий неврологиянинг устувор вазифаларидан бири ҳисобланади. Мазкур мақолада сунъий интеллектнинг неврология соҳасида қўлланилишининг замонавий йўналишлари, машинали ўқитиш, чуқур ўқитиш, компьютер кўриш, табиий тилни қайта ишлаш ҳамда катта маълумотлар таҳлили технологияларининг клиник амалиётдаги аҳамияти таҳлил қилинган. Шунингдек, ишемик инсульт, Альцгеймер касаллиги, Паркинсон касаллиги, рассеянный склероз, эпилепсия ва бошқа неврологик касалликларда AI алгоритмларининг эрта диагностика, прогнозлаш ва мониторингдаги самарадорлиги ёритилган. Мақолада AI технологияларининг нейровизуализация маълумотларини автоматик таҳлил қилиш, биомаркерларни аниқлаш, клиник қарор қабул қилиш тизимларини такомиллаштириш ҳамда рақамли тиббиётни ривожлантиришдаги аҳамияти кенг таҳлил қилинган. Шу билан бирга, ушбу технологияларни жорий этишдаги этик, ҳуқуқий ва техник муаммолар ҳам муҳокама қилинган. Таҳлиллар шуни кўрсатадики, сунъий интеллект технологиялари яқин келажакда неврологик касалликларнинг эрта диагностикаси ва индивидуаллаштирилган тиббиётнинг асосий инструментларидан бирига айланиши кутилмоқда. Калит сўзлар: сунъий интеллект, машинали ўқитиш, чуқур ўқитиш, неврология, эрта диагностика, ишемик инсульт, Альцгеймер касаллиги, Паркинсон касаллиги, рассеянный склероз, нейровизуализация.

Hali tarjima qilinmagan