РЕПРОДУКТИВ ЙЎҚОТИШЛАР КУЗАТИЛГАН ВА БАЧАДОН БЎЙНИ ЭКТОПИЯСИ МАВЖУД АЁЛЛАРДА БАЧАДОН БЎЙНИНИНГ КОЛЬПОСКОПИК ВА КЛИНИК-АНАМНЕСТИК ТАВСИФИ

Резюме. Мақолада ҳомиладорликнинг эрта муддатларида репродуктив йўқотишлар кузатилган ва бачадон бўйни эктопияси мавжуд аёлларда бачадон бўйнининг кольпоскопик ҳамда клиник-анамнестик тавсифи натижалари келтирилган. Анамнезида одатий ҳомила тушиши бўлган ва Бетесда тизими бўйича 1–2-даражали эктопия аниқланган 110 нафар аёл — спонтан аборт кузатилган асосий гуруҳ (n=62) ва ривожланмаган ҳомиладорлик бўлган қиёсий гуруҳ (n=48), шунингдек 30 нафар соғлом ҳомиладор аёл (назорат гуруҳи) текширилди. Кенгайтирилган кольпоскопия (Swede score) ва клиник-анамнестик таҳлил ўтказилди. Асосий ва қиёсий гуруҳ аёлларида оғриқли ҳайз (54,8 % ва 54,2 %), норегуляр ҳайз цикли, туғруқ травмалари (54,8 % ва 45,8 %) ҳамда анамнезида ривожланмаган ҳомиладорлик (88,7 % ва 89,6 %) назорат гуруҳига нисбатан ишончли даражада кўп аниқланди. Кольпоскопик текширувда патологик эпителиал ўзгаришлар репродуктив йўқотишлар билан кечган аёлларда юқори частотада кузатилди: очиқ безлар (53,2 %), эктропион (27,4 %; OR=3,14; 95 % ИО 1,11–8,9) ва йод-манфий зоналар (37,1 %) асосий гуруҳда, зич ацето-оқ эпителий (37,5 %) ва юмшоқ пунктация (16,7 %) эса қиёсий гуруҳда устун бўлди. Swede score кўрсаткичи асосий гуруҳда юқори бўлди (4,63±0,11 га қарши 4,21±0,16; р<0,05). Олинган натижалар кенгайтирилган кольпоскопияни репродуктив хавфни баҳолаш воситаси сифатида қўллаш зарурлигини кўрсатади. Калит сўзлар: бачадон бўйни эктопияси; кольпоскопия; Swede score; эктропион; ацето-оқ эпителий; репродуктив йўқотишлар; спонтан аборт; ривожланмаган ҳомиладорлик; прегравидар тайёргарлик.

Hali tarjima qilinmagan