МЕНОПАУЗАЛ ГЕНИТОУРИНАР СИНДРОМ: ЭПИДЕМИОЛОГИЯСИ, ЭТИОПАТОГЕНЕЗИ ВА ТАШХИСЛАШ УСУЛЛАРИ (АДАБИЁТЛАР ТАҲЛИЛИ)

Резюме. Менопаузал генитоуринар синдром (МГУС) — менопауза даврида эстроген ва бошқа жинсий стероид гормонлар танқислиги натижасида ривожланадиган сурункали, прогрессив кечувчи клиник синдром ҳисобланади. У ташқи жинсий аъзолар, қин, сийдик чиқариш йўллари ҳамда кичик чаноқ туби тўқималарида морфологик ва функционал ўзгаришларни келтириб чиқаради. ГУМС нинг асосий клиник намоён бўлишлари қаторига қин қуруқлиги, ачишиш, қичишиш, диспареуния, қиндан ажралмаларнинг камайиши, дизурик бузилишлар, тез-тез сийиш ва қайталанувчи сийдик йўллари инфекциялари киради. Мазкур синдром аёлларнинг ҳаёт сифати, жинсий саломатлиги ва психоэмоционал ҳолатига салбий таъсир кўрсатади. Ушбу мақолада менопаузал генитоуринар синдромнинг замонавий таснифи, эпидемиологияси, патогенетик механизмлари, клиник хусусиятлари, ташхислаш мезонлари ҳамда даволашнинг ҳозирги ёндашувлари бўйича сўнгги илмий маълумотлар таҳлил қилинган. Шунингдек, маҳаллий ва тизимли гормонал терапия, гормонсиз даволаш усуллари, лазер технологиялари ва регенератив тиббиётнинг истиқболли йўналишлари ҳақидаги маълумотлар умумлаштирилган. Адабиётлар таҳлили ГУМСни эрта аниқлаш, индивидуаллаштирилган ташхис ва комплекс даволаш усулларини қўллаш аёлларнинг ҳаёт сифатини яхшилаш ҳамда узоқ муддатли асоратларнинг олдини олишда муҳим аҳамиятга эга эканлигини кўрсатади. Калит сўзлар: менопауза, генитоуринар менопаузал синдром, вулвовагинал атрофия, гипоэстрогенемия, диспареуния, қин қуруқлиги, сийдик чиқариш бузилишлари, гормонал терапия.

Hali tarjima qilinmagan