ЮПҚА ЭНДОМЕТРИЙЛИ РЕПРОДУКТИВ ЁШДАГИ АЁЛЛАРДА АНТРОПОМЕТРИК КЎРСАТКИЧЛАРНИНГ КЛИНИК АҲАМИЯТИ
Annotatsiya
Резюме. Юпқа эндометрий репродуктив ёшдаги аёлларда учрайдиган муҳим клиник муаммолардан бири бўлиб, имплантация жараёнининг бузилиши, бепуштлик ва такрорий ҳомила тушиш хавфининг ортиши билан боғлиқ. Сўнгги йилларда эндометрий ривожланишига таъсир этувчи омиллар қаторида антропометрик кўрсаткичлар, жумладан тана вазни, бўй узунлиги, тана вазни индекси (ТВИ), бел ва сон айланаси ҳамда уларнинг нисбатларига алоҳида эътибор қаратилмоқда. Ушбу мақолада юпқа эндометрийли аёлларда антропометрик кўрсаткичларнинг ўзига хос хусусиятлари таҳлил қилиниб, уларнинг эндометрий ҳолати билан ўзаро боғлиқлиги баҳоланган. Таҳлиллар натижасида тана вазни индекси ва бошқа антропометрик параметрлардаги ўзгаришлар эндометрий қалинлиги ҳамда унинг функционал ҳолатига муайян даражада таъсир кўрсатиши мумкинлиги аниқланди. Организмнинг озиқланиш ҳолати ва метаболик мувозанати бузилиши эндометрий рецептивлигининг пасайишига, эндометрийда пролифератив жараёнларнинг сусайишига ҳамда репродуктив салоҳиятнинг камайишига олиб келиши мумкин. Антропометрик кўрсаткичларни комплекс баҳолаш юпқа эндометрийли аёлларда хавф омилларини эрта аниқлаш, даволаш тактикасини индивидуаллаштириш ва репродуктив натижаларни яхшилаш учун муҳим аҳамиятга эга. Калит сўзлар. юпқа эндометрий, бепуштлик, ҳомила имплантацияси, антропометрик кўрсаткичлар.
Hali tarjima qilinmagan