БОШ МИЯ ТУЗИЛМАЛАРИДАГИ ПАТОМОРФОЛОГИК ЎЗГАРИШЛАРНИ ЖУДА КАМ ВАЗНЛИ ЧАҚАЛОҚЛАРГА ХОС ЖИҲАТЛАРИ
Annotatsiya
Резюме. Тана вазни жуда кам бўлган 28-31 хафталикда 36 нафар етилмай туғилган чақалоқлар бош мия ярим шарлари тўқимасининг патоморфологик таҳлили ўтказилган. Аниқланганки, ҳомила йўлдоши тўлиқ олдинда ётган ҳомиладорликнинг 28-31 ҳафтасида туғилган жуда кам вазнли чақалоқлар (1001-1500 гр) бош мия нейронларида ишемик типдаги ўзгаришлар яққол кўзга ташланади. Глиоцитлар нейронларга яқин ва кетма-кет жойлашган бўлиб, нейронларда сателлитоз жараёни сезиларли даражада кўзга ташланади. Перицеллюляр бўшлиқнинг кескин кенгайганлиги аниқланади. Нейропилнинг кескин ёруғланиши кузатилади. Бош мия қон томирларида кучли спазм ва дистония ҳолати, деворининг шишинганлиги, эндотелиоцитларнинг шишиниши ва айримларида некробиоз белгилари аниқланади. Қон томир бўшлиғидаги қон шаклли элементларининг реологик хусусиятлари сақланган. Периваскуляр бўшлиқ кескин кенгайган. Микроциркулятор ўзан қон томирларида стаз ҳолати аниқланади. Ҳужайралараро бўшлиққа ва оралиқ тўқимага эритроцитларнинг ўтиши бош мияга диапедез қон қуйилиш кўринишида намоён бўлади. Калит сўзлар: чақалоқ, бош мия, нейрон, қон томир, дистрофия, некроз, шиш, саттелитоз.
Hali tarjima qilinmagan