OBYEKTLARNI BIRLAMCHI VEKTORLASH ALGORITMI
Annotatsiya
Maqolada maydonli (rastrli) grafik obyektlarni birlamchi vektorlash algoritmini ishlab chiqish va tahlil qilish masalasi ko‘rib chiqiladi. Tadqiqotda rastr tasvirlardagi kontur va chegaralarni aniqlash, ularni soddalashtirish hamda vektor formatga o‘tkazish bosqichlari tizimli ravishda tahlil qilingan. Taklif etilayotgan algoritm piksellar asosidagi segmentatsiya, chegaralarni ajratish va geometrik approksimatsiya jarayonlarini o‘z ichiga oladi. Algoritm hisoblash samaradorligi va aniqlik mezonlari asosida baholangan. Olingan natijalar maydonli grafik obyektlarni tezkor va sifatli vektorlash imkonini berib, kartografiya, geoaxborot tizimlari va raqamli tasvirlarni qayta ishlash sohalarida qo‘llash mumkinligini ko‘rsatadi.