СУРУНКАЛИ ОБСТРУКТИВ ЎПКА КАСАЛЛИГИ АРТЕРИАЛ ГИПЕРТОНИЯ БИЛАН КОМОРБИД КЕЧИШИДА КОМПЛЕКС ДАВОЛАШ ВА РЕАБИЛИТАЦИЯНИНГ САМАРАДОРЛИГИ
Annotatsiya
Резюме. Сурункали обструктив ўпка касаллиги (СОЎК)нинг артериал гипертония билан коморбид кечиши беморларда кардиореспиратор функционал бузилишлар, жисмоний фаолликнинг чекланиши ҳамда ҳаёт сифати пасайиши билан кечади. Шу муносабат билан комплекс даволаш ва реабилитация дастурларини такомиллаштириш долзарб аҳамият касб этади. Ушбу тадқиқотда СОЎКнинг артериал гипертония билан коморбид кечишида қўлланилган комплекс даволаш ва реабилитациянинг самарадорлиги баҳоланди. Самарадорлик клиник симптомлар, ташқи нафас функцияси, кардиогемодинамик кўрсаткичлар, 6 дақиқалик юриш тести ва ҳаёт сифати динамикаси асосида баҳоланди. Комплекс даволаш ва реабилитация натижасида беморларда клиник симптомларнинг камайиши, ташқи нафас функцияси ва жисмоний иш қобилиятининг яхшиланиши, юрак-томир тизимининг функционал ҳолати барқарорлашиши, психоэмоционал ҳолат ҳамда ҳаёт сифати кўрсаткичларининг ишончли даражада яхшиланиши кузатилди. Олинган натижалар СОЎКнинг артериал гипертония билан коморбид кечишида комплекс даволаш ва реабилитацияни қўллашнинг юқори клиник самарадорлигини тасдиқлайди. Калит сўзлар: сурункали обструктив ўпка касаллиги, артериал гипертония, коморбид кечиш, комплекс даволаш, реабилитация, ташқи нафас функцияси, ҳаёт сифати.
Hali tarjima qilinmagan