ЭКСПЕРИМЕНТАЛ КАЛЬКУЛЁЗ ХОЛЕЦИСТИТДА ЖИГАР ИЧИ БИЛИАР ТИЗИМИНИНГ ГИСТОМОРФОЛОГИК ЎЗГАРИШЛАРИ: МОРФОМЕТРИК ВА ИММУНОГИСТОКИМЁВИЙ ТАДҚИҚОТ
Annotatsiya
Резюме. Ушбу тадқиқотда экспериментал калькулёз холецистит шароитида жигар ичи билиар тизимидаги структур ўзгаришлар гистологик, морфометрик ва иммуногистокимёвий усуллар ёрдамида ўрганилди. Ўт капиллярларининг архитектоникаси ва структур ҳолати, шунингдек, CD10 маркери ёрдамида уларнинг иммунореактивлиги баҳоланди. Экспериментал ҳайвонларда ўт капиллярларининг яққол кенгайиши, эгри-бугрилиги, контурларининг деформацияси ва узлуксизлигининг бузилиши аниқланди. Шунингдек, жигар паренхимасида ўт капиллярларининг тарқалиш даражаси ошганлиги кузатилди. Аниқланган ўзгаришлар жигар ичи билиар тизимининг структур қайта қурилишидан далолат бериб, ўт капиллярлари архитектоникасининг бузилиши ва уларнинг атрофдаги гепатоцитлар билан ўзаро муносабатларининг ўзгариши билан намоён бўлди. Олинган натижалар морфологик ўзгаришларнинг ўт оқимининг бузилиши ва калькулёз холециститда жигар ичи билиар гипертензиясининг ривожланиши билан эҳтимолий боғлиқлигини кўрсатади. Калит сўзлар: калькулёз холецистит, жигар, билиар тизим, ўт капиллярлари, морфометрия, иммуногистокимё, CD10, билиар гипертензия, жигар паренхимаси.
Hali tarjima qilinmagan