Asosiy kontentga oʻtish
Maqola

ҚАЙТАЛАНУВЧИ ОДДИЙ ГЕРПЕС ИНФЕКЦИЯСИДА ЭПИДЕМИОЛОГИК ХАВФ ОМИЛЛАРИНИ БАҲОЛАШ ВА ХАВФ ИНДЕКСИНИ ШАКЛЛАНТИРИШ

Наргиза Қосимовна ХамидоваBukhara State Medical Institute named after Abu Ali ibn Sino, Bukhara, UzbekistanМирзоева, Мехринисо РизоевнаBukhara State Medical Institute named after Abu Ali ibn Sino, Bukhara, UzbekistanОдил Шодиевич КосимовTashkent Research Institute of Vaccines and Sera, Tashkent, Uzbekistan
2026
Ochiq kirishYashil

Litsenziya: cc-by

ABI

Annotatsiya

Резюме. Қайталанувчи оддий герпес инфекцияси (ҚОГИ) кенг тарқалган ва беморларнинг ҳаёт сифатини сезиларли пасайтирувчи касаллик бўлиб қолмоқда, бироқ рецидивловчи кечишни олдиндан ажратиб олиш имконини берувчи мезонлар минтақавий контингентлар учун ишлаб чиқилмаган. Тадқиқотнинг мақсади Бухоро вилоятида ҚОГИ нинг эпидемиологик манзарасини тавсифлаш ва рецидивловчи кечиш хавфини баҳолашнинг балл тизимини асослашдан иборат бўлди. 2023–2026 йилларни қамраб олган икки босқичли ретроспектив-проспектив кузатув тадқиқоти ўтказилди; ретроспектив таҳлилга 2022–2026 йиллардаги 1864 та мурожаат ҳолати, проспектив босқичга эса 18 дан 68 ёшгача бўлган 240 нафар текширилувчи киритилиб, улар асосий (n=140), қиёсий (n=60) ва назорат (n=40) гуруҳларига ажратилди. Интенсив кўрсаткич 100 минг аҳолига нисбатан 15,7 дан 22,5 гача ортган, ўртача йиллик ўсиш суръати 109,4% ни ташкил этган. Гуруҳлар ёш (χ²=1,26; df=4; р=0,868) ва жинс (χ²=1,05; df=2; р=0,592) бўйича қиёсланувчан бўлди. Олтита мустақил хавф омили асосида 0 дан 8 баллгача бўлган эпидемиологик хавф индекси (ЭХИ) шакллантирилиб, у беморларни паст (<3 балл), ўрта (3–5 балл) ва юқори (≥6 балл) хавф тоифаларига ажратиш имконини беради. Таклиф этилаётган индекс лаборатор база талаб қилмайди ва бирламчи бўғин даражасида қўлланилиши мумкин. Калит сўзлар: оддий герпес, рецидив, эпидемиологик хавф омиллари, хавф индекси, цитокинлар, ген полиморфизми, бирламчи тиббий ёрдам.

Hali tarjima qilinmagan

Identifikatorlar

Iqtiboslar va manbalar

0 ta iqtibos0 ta foydalanilgan manba