LOVIYANING ILDIZ VA ANG'IZ QOLDIQLARI, ULARNING TUPROQ UNUMDORLIGI VA GUMUS ZAXIRALARIGA TA'SIRI
Annotatsiya
Ushbu tadqiqotda Samarqand viloyatining sug‘oriladigan o‘tloqi-bo‘z tuproqlari sharoitida ang‘izga ekilgan loviyaning tuproq unumdorligi va gumus zaxirasiga ta’siri 2022–2024-yillarda o‘rganildi. Dala tajribalarida o‘simlikning tuproqqa qaytgan organik qoldiqlari va ularning gumusga aylanish jarayonlari tahlil qilindi. Tadqiqot davomida ildiz va ang‘iz qoldiqlari o‘rtacha 2,58–4,14 t/ga miqdorni tashkil etdi. Dastlabki holatda gumus miqdori 1,1220%, zaxirasi esa 43,76 t/ga bo‘lgan. Uch yillik kuzatuvlar yakunida mineral o‘g‘itlar va bakterial preparat (BiNitro) qo‘llanilgan variantlarda gumus miqdori dastlabki ko‘rsatkichga nisbatan oshganligi aniqlandi. Natijalar ang‘izga loviya ekish va o‘simlik qoldiqlarini tuproqda saqlash unumdorlikni barqarorlashtirishning muhim omili ekanligini ko‘rsatdi