ХОЛЕЦИСТОХОЛЕДОХОЛИТИАЗДА КЛИНИК СЦЕНАРИЙГА АСОСЛАНГАН МИНИМАЛ ИНВАЗИВ ТАКТИКАНИНГ САМАРАДОРЛИГИ

Резюме. Холецистохоледохолитиазда бир босқичли, икки босқичли ва “rescue” тактикаларни танлаш беморнинг клиник ҳолати, билиар обструкция оғирлиги ва техник имкониятларга боғлиқ. Клиник сценарийга мос танланган лапароэндоскопик Rendezvous, икки босқичли эндоскопик ва “rescue” тактикаларининг натижаларини қиёсий баҳолаш. 2017–2023 йилларда даволанган 131 нафар бемор маълумотлари таҳлил қилинди: I гуруҳ — Rendezvous (n=52), II гуруҳ — ЭРХПГ/ЭПСТ ва кейинги лапароскопик холецистэктомия (n=49), III гуруҳ — стандарт транспапилляр кириш муваффақиятсиз ёки техник жиҳатдан мураккаб ҳолатларда “rescue” стратегияси (n=30). Билиар санация 82,7%, 83,7% ва 70,0% ҳолатда амалга оширилди (p>0,05), асоратлар 9,6%, 18,4% ва 26,7% ни (умумий p=0,13), қайта аралашувлар 11,5%, 24,5% ва 30,0% ни ташкил этди (умумий p=0,068). Стационарда ётиш муддати Rendezvous гуруҳида 5,1±1,2 кун бўлиб, II ва III гуруҳларга нисбатан сезиларли қисқа эди (p<0,001). Барча гуруҳларда ўлим кузатилмади. Клиник сценарийга мос тактик танлов самарали билиар санацияни таъминлайди; Rendezvous стационар даволаш муддатини қисқартиради, икки босқичли тактика оғир холестаз ёки холангитда, “rescue” эса стандарт кириш муваффақиятсиз бўлганда мақбул тактик вариант ҳисобланади. Калит сўзлар: холецистохоледохолитиаз; холедохолитиаз; лапароэндоскопик Rendezvous; ЭРХПГ; билиар санация; “rescue” стратегияси.

Hali tarjima qilinmagan