G'O'ZA (Gossypium hirsutum L.) DURAGAYLARIDA JAMI KO'SAKLAR SONINING GENETIK O'ZGARUVCHANLIGI, GETEROZISI VA IRSIYLANISHI
Annotatsiya
Tadqiqotda g‘o‘zaning (Gossypium hirsutum L.) jami ko‘saklar soni bo‘yicha genetik o‘zgaruvchanligi, geterozisi va irsiylanishi o‘rganildi. Yulduz, Niso, Guliston, SSB K-1, T-1336 va T-1391 genotiplari asosida to‘liq diallel chatishtirish orqali 30 ta F₁ kombinatsiyasi olindi va F₂ avlodlari shakllantirildi. Ota-ona shakllarida jami ko‘saklar soni 15,4–17,3 dona bo‘ldi. F₁ avlodida eng yuqori geterozis Niso × Yulduz (58,2%), Niso × Guliston (51,5%) va Yulduz × T-1336 (26,06%) kombinatsiyalarida qayd etildi. F₂ populyatsiyalarida variatsiya koeffitsiyenti 18,6–25,3%, irsiylanish koeffitsiyenti esa 0,50–0,81 oralig‘ida bo‘ldi. Natijalar mazkur kombinatsiyalardan g‘o‘zaning hosildorlik komponentlarini yaxshilashda foydalanish mumkinligini ko‘rsatdi.