QISHLOQ XO'JALIGI MAHSULOTLARINI YETISHTIRISHDA EGAT USULIDA SUG'ORISHNING SUV TEJOVCHI TEXNOLOGIYALARNI JORIY ETISH BO'YICHA TADQIQOT NATIJALARI
Annotatsiya
Mazkur ilmiy ishda qishloq xo'jaligi mahsulotlarini yetishtirishda egat usulida sug'orishda suv tejovchi texnologiyalarni joriy etish bo'yicha olib borilgan tadqiqot natijalari bayon etilgan. Tadqiqotlar jarayonida sug'orish vaqtida suvning yo'qotilish omillari o'rganilib, suv resurslaridan oqilona foydalanishga qaratilgan zamonaviy texnik va texnologik yechimlar ishlab chiqildi. Polimer asosida tayyorlangan filtrlashga qarshi ekranlardan foydalanish orqali suvning egatlar bo'ylab oqish tezligini boshqarish, yerga ortiqcha shimilishni kamaytirish va sug'orish samaradorligini oshirish imkoniyati aniqlandi. Taklif etilgan texnologiyalar hosildorlikni oshirish, suv resurslarini tejash hamda irrigatsiya tizimlarini modernizatsiya qilishda katta amaliy ahamiyatga ega bo'lib, qishloq xo'jaligi ishlab chiqarishida barqaror suv ta'minotini yaratishga xizmat qiladi.