СЕМИЗЛИК БОР ТУРҒУН ЗЎРИҚИШДАГИ СТЕНОКАРДИЯ БЎЛГАН БЕМОРЛАРДА ЭХОКАРДИОГРАФИК КЎРСАТКИЧЛАРНИ БАҲОЛАШ
Annotatsiya
Резюме. Ушбу мақолада семизлик мавжуд бўлган турғун зўриқишдаги стенокардияли беморларда юракнинг структур-функционал ҳолати ва асосий эхокардиографик кўрсаткичларнинг ўзгариш хусусиятлари баҳоланган. Тадқиқотда семизлик билан кечувчи турғун зўриқишдаги стенокардия I–II функционал синфи бўлган беморларда эхокардиографик кўрсаткичлар семизлиги бўлмаган беморлар натижалари билан қиёсий таҳлил қилинган. Семизлик мавжуд беморларда чап қоринча миокарди массасининг ортиши, унинг деворлари қалинлашиши, чап бўлмача ўлчамининг катталашиши, чап қоринча чиқариш фракциясининг пасайиши ҳамда диастолик функциянинг бузилиши аниқланган. Хусусан, E/A нисбатининг пасайиши миокард релаксациясининг бузилиши ва диастолик дисфункция шаклланишини кўрсатган. Аниқланган эхокардиографик ўзгаришлар семизлик турғун зўриқишдаги стенокардия кечишида миокарднинг структур ва функционал ремоделланишини кучайтирувчи муҳим омил эканлигини кўрсатади. Олинган натижалар ушбу тоифадаги беморларда эхокардиографик текширувдан эрта хавф стратификацияси, юрак функционал ҳолатини баҳолаш ҳамда индивидуал профилактик ва даволаш чораларини белгилашда фойдаланиш мақсадга мувофиқлигини асослайди. Калит сўзлар: семизлик, турғун зўриқишдаги стенокардия, эхокардиография, чап қоринча, чиқариш фракцияси, миокард гипертрофияси, диастолик дисфункция, юрак ремоделланиши.
Hali tarjima qilinmagan