ЮҚУМЛИ КАСАЛЛИКЛАРНИ ЭПИДЕМИОЛОГИК ТЕКШИРИШ УСУЛЛАРИ: ТАДҚИҚОТ ДИЗАЙНИ, МАЪЛУМОТЛАРНИ ЙИҒИШ ВА ХАВФНИ БАҲОЛАШ ВОСИТАЛАРИ
Annotatsiya
Резюме. Ҳар қандай эпидемиологик хулосанинг ишончлилиги, энг аввало, танланган тадқиқот усулининг тўғрилигига боғлиқ. Мақолада юқумли касалликларни эпидемиологик текшириш учун қўлланиладиган методологик ёндашувлар тасвирий (дескриптив) ва аналитик тадқиқот дизайни, ретроспектив ва проспектив кузатув, стандартлаштирилган анкета-сўровнома орқали маълумот йиғиш, шунингдек хавфни баҳолашнинг статистик воситалари (нисбий хавф кўрсаткичи — OR, ROC-таҳлил, кумулятив балл тизими/хавф индексини шакллантириш) тизимлаштирилган. Ёндашувлар муаллифнинг қайталанувчи герпетик инфекция бўйича икки босқичли ўз тадқиқоти мисолида кўрсатилган: 2022–2026 йиллар мобайнидаги диспансер маълумотларининг ретроспектив таҳлили ва етти бўлимдан иборат стандартлаштирилган анкета ёрдамида 240 нафар беморни проспектив текшириш. Тасвирий, аналитик ва статистик босқичларнинг тўғри изчиллиги хавф омиллари ва уларнинг касаллик рецидивига кумулятив таъсирини ишончли ва такрорланувчи хулосалар билан баҳолаш имконини бериши, шунингдек бошқа юқумли касалликлар учун ҳудудий даражада мослаштирилиши мумкинлиги кўрсатилган. Калит сўзлар: эпидемиологик текширув, тадқиқот дизайни, ретроспектив ва проспектив тадқиқот, анкета-сўровнома, нисбий хавф кўрсаткичи, ROC-таҳлил, хавф индекси.
Hali tarjima qilinmagan