МЕХАНИК САРИҚЛИК БИЛАН АСОРАТЛАНГАН ХОЛЕДОХОЛИТИАЗДА МИНИИНВАЗИВ ВА АНЪАНАВИЙ ИККИ БОСҚИЧЛИ ЖАРРОҲЛИК ТАКТИКАЛАРИНИНГ ҚИЁСИЙ ТАҲЛИЛИ
Annotatsiya
Резюме. Мақолада механик сариқлик билан асоратланган холедохолитиазли беморларда анъанавий икки босқичли ва замонавий миниинвазив (рандеву, гибрид, лапароскопик холедохолитотомия) жарроҳлик тактикаларини қиёсий ўрганишга бағишланган илмий тадқиқотнинг дизайни ва методологияси баён этилган. 2020–2026 йилларда РШТЁИМ Бухоро филиали жарроҳлик бўлимида 112 нафар бемор (назорат гуруҳи n=54, асосий гуруҳ n=58) иштирокида ретроспектив-проспектив икки гуруҳли клиник тадқиқот ўтказилди. Беморларни киритиш ва чиқариш мезонлари, ташхислаш алгоритми (УТТ, ЭГДС, МРХПГ, ЭРХПГ, ИОХГ), лаборатор кўрсаткичлар, Э.И. Гальперин таснифи бўйича сариқлик оғирлиги, ASA ва Charlson индекслари, шунингдек статистик таҳлил усуллари (IBM SPSS Statistics v.26) батафсил ёритилган. Гуруҳларнинг демографик, клиник-лаборатор ва инструментал кўрсаткичлари бўйича ўзаро статистик тенглиги (p>0,05) исботланган, бу эса кейинги босқичларда даволаш натижаларини холис қиёсий баҳолаш учун методологик асос яратади. Калит сўзлар: холедохолитиаз, механик сариқлик, миниинвазив жарроҳлик, рандеву усули, тадқиқот дизайни, ЭРХПГ, лапароскопик холецистэктомия.
Hali tarjima qilinmagan