ИШЕМИК ИНСУЛЬТНИНГ МОДИФИКАЦИЯЛАНУВЧИ ХАВФ ОМИЛЛАРИ ВА УНИНГ ИККИЛАМЧИ ПРОФИЛАКТИКАСИ

Ишемик инсульт бутун дунёда ногиронлик, меҳнат қобилиятини йўқотиш ва ўлимнинг етакчи сабабларидан бири бўлиб қолмоқда [9, 10]. Сўнгги йилларда унинг тарқалиши нафақат кекса ёшдаги аҳоли, балки меҳнатга лаёқатли ёшлар орасида ҳам ошиб бормоқда. Замонавий реперфузион ва нейропротектив даволаш усуллари такомиллашганига қарамасдан, такрорий ишемик инсультлар, барқарор ногиронлик ва юқори иқтисодий йўқотишлар долзарб муаммо бўлиб қолмоқда [7, 10]. Артериал гипертензия, қандли диабет, дислипидемия, семириш, чекиш, жисмоний фаолликнинг етишмаслиги, носоғлом овқатланиш ва алкоголь истеъмоли каби модификацияланувчи хавф омиллари ишемик инсульт ривожланишида муҳим аҳамиятга эга [2, 3, 5, 8]. Айниқса, ишемик инсультни ўтказган беморларда биринчи йил мобайнида такрорий инсульт хавфи юқори бўлганлиги сабабли, беморларни устун хавф профили бўйича стратификация қилиш ва шахсийлаштирилган иккиламчи профилактика стратегиясини ишлаб чиқиш замонавий неврологиянинг муҳим вазифаларидан бири ҳисобланади [4, 7].

Hali tarjima qilinmagan