ТАЖРИБАВИЙ ҚОРИН БЎШЛИҒИ ЖАРРОҲЛИГИДАН КЕЙИН ЧАНДИҚЛАРНИ АНЪАНАВИЙ (СТАНДАРТ) ДАВОЛАШ УСУЛИ БИЛАН ЖИГАРДА ГИСТОКИМЁВИЙ ЎЗГАРИШЛАРНИ АНИҚЛАШ
Annotatsiya
Резюме. Ушбу тадқиқотда экспериментал қорин бўшлиғи жарроҳлигидан кейин шаклланган чандиқ жараёнини анъанавий (стандарт) даволаш шароитида жигар тўқимасида юзага келадиган гистокимёвий ўзгаришлар ўрганилди. Тадқиқотда оқ зотсиз каламушлар жигаридаги морфологик ва гистокимёвий ҳолат махсус бўяш усуллари ёрдамида баҳоланди. Асосий эътибор жигар паренхимасининг архитектоникаси, коллаген толаларининг тақсимланиши, бириктирувчи тўқима элементларининг ҳолати, мукополисахаридлар миқдори ва яллиғланиш жараёнларининг ифодаланиш даражасига қаратилди. Стандарт терапиядан кейин жигар тўқимасида қон томирлар тўлақонлиги, синусоидларнинг кенгайиши, айрим соҳаларда яллиғланиш инфильтрацияси ва бириктирувчи тўқима элементларининг фаоллашуви кузатилди. Шу билан бирга, жигар паренхимасининг умумий архитектоникаси нисбатан сақланган бўлиб, гепатоцитларда турли даражадаги компенсатор ва регенератив ўзгаришлар қайд этилди. Олинган натижалар анъанавий даволаш усули жигардаги патологик жараёнларни маълум даражада чеклаши мумкинлигини, бироқ яллиғланиш ва фиброзга хос айрим гистокимёвий ўзгаришлар сақланиб қолишини кўрсатди. Тадқиқот натижалари операциядан кейинги чандиқ жараёнларида стандарт даволашнинг жигар тўқимасига таъсирини морфологик ва гистокимёвий жиҳатдан баҳолаш учун илмий асос бўлиб хизмат қилади. Калит сўзлар: қорин бўшлиғи жарроҳлиги, чандиқ жараёни, стандарт даволаш, жигар, гистокимёвий таҳлил, коллаген, фиброз, яллиғланиш, гепатоцитлар, синусоидлар.
Hali tarjima qilinmagan