BIOLABORATORIYALARDA ENCARSIA PARTENOPEA (HYMENOPTERA) ENTOMOFAGINI KO‘PAYTIRISH TEXNOLOGIYASI VA AGROBIOTSENOZLARDA OQ QANOTGA (ALEYRODIDAE) QARSHI QO‘LLASHNING BIOLOGIK SAMARADORLIGI

Ushbu maqolada agrobiotsenozlarda oq qanotga (Aleyrodidae) qarshi samarali biomaterial hisoblangan Encarsia partenopea entomofagini biolaboratoriya sharoitida ko‘paytirish va qo‘llash texnologiyasi yoritilgan. Tadqiqotlar davomida laboratoriyada optimal harorat 25-27°C va namlik 65-75% bo‘lganda, entomofagning rivojlanish sikli 12-15 kunni tashkil etishi aniqlandi. Laboratoriya sharoitida 1 ta urg‘ochi Encarsia o‘rtacha 60-100 tagacha tuxum qo‘yishi va ozuqa izlash radiusi yuqoriligi kuzatildi. Agrobiotsenozlarda, xususan issiqxona sharoitida, zararkunanda zichligi har 1 m² maydonga 1-5 dona bo‘lganda, entomofagni 1:10 nisbatda chiqarish tavsiya etiladi. Tadqiqot natijalari shuni ko‘rsatadiki, Encarsia partenopea qo‘llanilgan maydonlarda oq qanot lichinkalarining parazitlanish darajasi 85-92% gacha yetadi. Bu ko‘rsatkich kimyoviy preparatlardan foydalanishni 3-4 barobarga qisqartirish imkonini beradi.

Hali tarjima qilinmagan