ANJIR (FICUS CARICA L.) BARGI TARKIBIDAGI FENOL BIRIKMALARINING ANTIOKSIDANT XUSUSIYATLARI

Maqolada anjir (Ficus carica L.) barglarining fenol birikmalari tarkibi, ularning antioksidant xususiyatlari hamda xomashyoni quritish sharoitlarining biologik faol komponentlar saqlanishiga ta’siri zamonaviy ilmiy manbalar asosida tahlil qilindi. Adabiyotlarda anjir barglarida xlorogen, kofeik, p-kumar va kaftar kislotalari, rutin, izokversetin, kversetin, luteolin, kaempferol va ularning glikozidlari kabi ko‘plab fenol birikmalari aniqlangani ko‘rsatilgan. Ularning erkin radikallarni tutib qolish, metall ionlarini qaytarish va oksidlanish zanjirini uzish qobiliyati DPPH, ABTS, FRAP va boshqa testlar bilan tasdiqlangan. Tahlil natijasida anjir bargini funksional oziq-ovqat, fitotea va tabiiy antioksidant ingredient sifatida qayta ishlashda nav, bargning yetilish bosqichi va quritish rejimini birgalikda standartlashtirish zarurligi asoslandi.

Hali tarjima qilinmagan