Manbalarda uzunlik o'lchov birliklari
Annotatsiya
Mazkur maqolada IX–XIII asrlarda Markaziy Osiyoda shakllangan metrologik tizimning o‘ziga xos xususiyatlari va tarixiy manbalarda aks etishi tahlil qilinadi. Tadqiqotda uzunlik, sath, og‘irlik va hajm o‘lchov birliklarining tarixiy qiymatlari, hududiy va funksional qo‘llanilishi yoritilgan. Shuningdek, man, misqol, ratl, viqr, xarbor kabi miqdoriy birliklarning mazmuni va turli sohalardagi qo‘llanilish xususiyatlari ochib berilgan. IX–XIII asrlarda Markaziy Osiyoda yagona va standartlashtirilgan metrologik tizim mavjud bo‘lmagani, o‘lchov birliklarining qiymatlari hudud, tarixiy sharoit va qo‘llanish sohasiga ko‘ra farqlangani asoslangan. Tadqiqot natijalari Markaziy Osiyo tarixiy metrologik tizimini manbalar asosida o‘rganish hamda o‘lchov birliklarining hududiy va funksional tafovutlarini aniqlashga xizmat qiladi.