TIJORAT BANKLARI MOLIYAVIY BARQARORLIGINI TA'MINLASH VA MUSTAHKAMLASHNING KOMPLEKS MEXANIZMLARINI TAKOMILLASHTIRISH
Annotatsiya
Maqolada Oʻzbekiston tijorat banklari moliyaviy barqarorligini ta'minlash va mustahkamlashning kompleks mexanizmlari tadqiq etilgan. Empirik baza 2021–2025-yillardagi yillik qiyosiy ma'lumotlar, 2021Q1–2025Q4 davridagi 260 ta bank-chorak kuzatuvli panel, raqamlashtirish sub-tanlanmasi va 14 ta bank boʻyicha prognoz ma'lumotlarini qamrab oladi. Tadqiqot natijasida koʻp mezonli integral baholash metodologiyasi, milliy ma'lumotlarga moslashtirilgan erta ogohlantirish tizimi, NPL va rentabellik oʻrtasidagi panel-ekonometrik bogʻliqlik, kapital-likvidlilikni boshqarish algoritmi, ssenariyli stress-test va oʻrta muddatli prognozlash mexanizmi hamda "Smart Banking – Financial Stability" konseptual modeli asoslandi. Taklif etilgan yondashuvlar baholash, erta aniqlash, boshqaruv va prognozlashni yagona qaror sikliga integratsiya qiladi.