ИШЕМИК ИНСУЛЬТДАН КЕЙИНГИ НЕГЛЕКТ-СИНДРОМДА ҲАРАКАТ БУЗИЛИШЛАРИНИ РЕАБИЛИТАЦИЯ ҚИЛИШ

Резюме. Ишемик инсультдан кейинги неглект-синдром беморларнинг мотор, постурал ва юриш функцияларининг тикланишини сезиларли даражада чекловчи ҳолатлардан бири ҳисобланади. Мақсад: ишемик инсультдан кейинги неглект-синдром билан боғлиқ ҳаракат бузилишларининг клиник-функционал хусусиятларини баҳолаш. Материаллар ва усуллар: тадқиқотга 94 нафар ишемик инсультдан кейинги бемор киритилиб, улар ҳаракат бузилишларининг ифодаланиш даражасига кўра асосий (n=49) ва қиёсий (n=45) гуруҳларга ажратилди. Неглект синдроми чизиқни тенг иккига бўлиш, юлдузчаларни бекор қилиш тестлари ва Catherine Bergego Scale, мотор функция Fugl-Meyer Assessment, постурал назорат Berg Balance Scale, юриш функцияси Functional Ambulation Category ва 10-Meter Walk Test ёрдамида баҳоланди. Натижалар: асосий гуруҳда неглект белгилари cancellation ва line-bisection тестларида қиёсий гуруҳга нисбатан сезиларли даражада кўпроқ аниқланди (p<0,001). Catherine Bergego Scale бўйича ўртача ва яққол неглект ҳолатлари ҳам асосий гуруҳда устунлик қилди (p<0,001). Шунингдек, асосий гуруҳда FMA, FMA-UE, FMA-LE, BBS ва FAC кўрсаткичлари паст, 10 метрлик юриш вақти эса юқори бўлди (барча ҳолатларда p<0,001). Хулоса: инсультдан кейинги неглект-синдромнинг яққол намоён бўлиши мотор функция, постурал назорат ва юриш мустақиллигининг сезиларли пасайиши билан боғлиқ бўлиб, ушбу беморларда комплекс ва индивидуаллаштирилган реабилитация ёндашувларини қўллаш зарурлигини асослайди. Калит сўзлар: ишемик инсульт, бир томонлама фазовий неглект, ҳаракат бузилиши, мотор функция, постурал назорат, виртуал реаллик, нейрореабилитация, сенсомотор интеграция, функционал мустақиллик.

Hali tarjima qilinmagan