СУТЭМИЗУВЧИЛАР ЮРАГИНИНГ МОРФОЛОГИК ХУСУСИЯТЛАРИНИНГ ЎЗИГА ХОСЛИГИ

Резюме. Касалликларни биологик моделлаштиришга асосланган экспериментал тадқиқотлар лаборатория ҳайвонлари аъзоларининг ёшга боғлиқ меъёрий тузилиши ҳақида батафсил маълумотларни талаб қилади; бу маълумотлар тажриба гуруҳларидаги ўзгаришларни баҳолаш учун таянч бўлиб хизмат қилади. Мақсад. Назорат гуруҳидаги оқ зотсиз каламушларда юракнинг 3, 6, 9 ва 12 ойлик ёшдаги морфологик ва морфометрик хусусиятларини ўрганиш. Материал ва усуллар. Назорат гуруҳидаги 3, 6, 9 ва 12 ойлик оқ зотсиз каламушларнинг юраги органометрик (тана массаси, юракнинг абсолют ва нисбий массаси, юрак узунлиги), гистологик (гематоксилин-эозин, Ван-Гизон бўйича пикрофуксин билан бўяш) ва морфометрик (чап қоринча девори қаватларининг қалинлиги, кардиомиоцитлар ва миокард томирларининг кўрсаткичлари) усуллар билан текширилди. Натижалар. Барча ёш гуруҳларида юрак қаватларида шиш, дистрофия ва қон қуйилиш белгилари аниқланмади. 3 ойликдан 12 ойликкача тана массаси 143,09±0,48 г дан 297,38±4,02 г гача, юракнинг абсолют массаси 508,27±6,84 мг дан 1024,86±7,49 мг гача, нисбий массаси 4,05±0,07 дан 5,02±0,03 мг/г гача ошди. Чап қоринча миокард қавати қалинлиги 0,83±0,04 мм дан 1,82±0,14 мм гача, кардиомиоцитлар диаметри 7,49±0,15 мкм дан 8,43±0,36 мкм гача, узунлиги 62,83±1,47 мкм дан 72,86±3,42 мкм гача, миокард қон-томирлари диаметри 14,30±0,07 мкм дан 16,81±1,05 мкм гача катталашди. Хулоса. Назорат гуруҳи каламушларида юракнинг барча ўрганилган органометрик ва гистоморфометрик кўрсаткичлари ёшга мос равишда пропорционал ошади; олинган кўрсаткичлар тажриба гуруҳларидаги юрак ўзгаришларини баҳолаш учун ёшга боғлиқ меъёр сифатида хизмат қилади. Калит сўзлар: юрак; миокард; эндокард; эпикард; кардиомиоцит; морфометрия; оқ каламушлар; ёш динамикаси.

Hali tarjima qilinmagan