GMZ-3 TEXNOGEN CHIQINDILARINING GRANULOMETRIK VA MINERALOGIK TARKIBI HAMDA OLTIN VA KUMUSHNING O‘LCHAM FRAKSIYALARI BO‘YICHA TAQSIMOTI

GMZ-3 chiqindixonasida to‘plangan texnogen materialning granulometrik va mineralogik tarkibi hamda oltin va kumushning o‘lcham fraksiyalari bo‘yicha taqsimoti tadqiq etildi. Granulometrik baholash 1–3 m chuqurlikdan olingan to‘qqizta namunaning elak tahliliga, mineralogik-geokimyoviy tavsiflash esa beshta namunaning tekshiruv natijalariga asoslandi. O‘rtachalashtirilgan materialda fraksiyalarning massa chiqishi va Au–Ag miqdorlari taqqoslanib, metall balansi hisobiy tekshirildi. Alohida namunalarda −0,074 mm sinfning massa chiqishi 67,2–80,0%, o‘rtachalashtirilgan materialda esa 76,2% ni tashkil etdi. Ushbu fraksiyada oltin miqdori 0,65 g/t, kumush miqdori 1,4 g/t ekanligi aniqlandi. Mineral tarkibda jins hosil qiluvchi komponentlarning yig‘ma guruhi 90,58% bilan ustunlik qildi; pirit 3,44%, arsenopirit 0,22%, metall oksidlari va gidroksidlari 5,49% miqdorda qayd etildi. Element xaritalari mineral fazalarning mahalliy tarqalishini tavsifladi. Hisobiy tekshiruv metallarning fraksiyalar bo‘yicha hisoblangan va birlamchi taqsimot ko‘rsatkichlari o‘rtasida nomuvofiqlik mavjudligini ko‘rsatdi. Natijalar mayda fraksiyani batafsil kimyoviy-mineralogik o‘rganish va metall balansini aniqlashtirish zarurligini asoslaydi. Qayta ishlash usulini tanlash uchun qimmatbaho metallarning mineral tashuvchilari, ochilish darajasi va tajribaviy ajratib olish ko‘rsatkichlarini aniqlash lozim.

Hali tarjima qilinmagan