MAKTABGACHA YOSHDAGI BOLALARDA PSIXOGEN OVOZ BUZILISHLARI (AFONIYA) VA ULARNI BARTARAF ETISHNING KOMPLEKS LOGOPEDIK METODIKASI
Annotatsiya
Ushbu ilmiy maqolada maktabgacha yoshdagi bolalarda uchraydigan, kelib chiqish tabiati psixogen omillarga borib taqaladigan ovoz buzilishlari, xususan, psixogen afoniya va disfoniya muammosi atroflicha tadqiq qilingan. Tadqiqot davomida hiqildoq a'zolari va ovoz paychalarida hech qanday anatomik-organik nuqsonlar boʻlmagan holda, oʻtkir psixotrauma, qoʻrquv, nevrotik holatlar hamda surunkali emotsional stresslar ta'sirida ovoz funksiyasining toʻliq yoki qisman yoʻqolishi mexanizmlari ilk bor sof logopedik hamda maxsus pedagogik nuqtai nazardan chuqur tahlil etilgan. Maqolada bunday bolalarning xarakterli logopedik belgilari, differensial diagnostika mezonlari va ularning muloqot tizimini qayta tiklashga qaratilgan amaliy korreksion ishlar majmuasi tizimlashtirilgan. Shuningdek, tadqiqotda bolalarda "beixtiyoriy ovoz" fenomenini ushlash va uni faol nutqqa koʻchirishga moʻljallangan nafas gimnastikasi, ovozni faollashtiruvchi ortofonik mashqlar hamda logopsixologik reabilitatsiya usullarini qamrab olgan kompleks logopedik metodika ilmiy jihatdan asoslab berilgan. Ota-onalar bilan olib boriladigan preventiv-konsultativ ishlar mexanizmi yoritilgan.
Hali tarjima qilinmagan