Asosiy kontentga oʻtish
Maqola

Dermatomiozit bilan ogʻrigan bemorlarda yurak-qon tomir tizimi zararlanishining klinik-funksional xususiyatlari va erta tashxislash

S. M. MuhammadiyevaToshkent davlat tibbiyot universiteti, Toshkent, O‘zbekistonU. B. KarimovaToshkent davlat tibbiyot universiteti, Toshkent, O‘zbekiston
2026en
ABI

Annotatsiya

Ushbu maqolada dermatomiozit (DM) bilan og‘rigan bemorlarda yurak-qon tomir tizimi zararlanishining klinik-funksional xususiyatlari, subklinik yurak shikastlanishining diagnostik belgilari hamda uni erta aniqlash imkoniyatlari tahlil qilingan. Tadqiqotda 2011–2026-yillarda PubMed/MEDLINE, Scopus va Web of Science ma’lumotlar bazalarida e’lon qilingan kohort va kesma tadqiqotlar, tizimli sharhlar hamda meta-tahlillar ma’lumotlari umumlashtirildi. Elektrokardiografiya, 24 soatlik Holter monitoringi, transtorakal exokardiografiya, speckle-tracking exokardiografiya asosidagi global longitudinal strain (GLS), yurak magnit-rezonans tomografiyasi, shuningdek yuqori sezgirlikdagi troponin I va T hamda NT-proBNP biomarkyorlarining diagnostik ahamiyati qiyosiy baholandi. Natijalar DMda yurak zararlanishi ko‘pincha subklinik kechishini va uning aniqlanish chastotasi qo‘llanilgan diagnostik usulga bog‘liqligini ko‘rsatdi. Standart EKG va ExoKG yurak shikastlanishining dastlabki bosqichlarini aniqlashda cheklangan sezgirlikka ega bo‘lsa, GLS va yurak MRT miokardning yashirin funksional va strukturaviy o‘zgarishlarini aniqlashda yuqori diagnostik qiymatga ega. Yurakka xos hs-cTnI biomarkyori skelet mushaklari zararlanishi fonida soxta-musbat natijalarni kamaytirishda muhim ahamiyat kasb etadi. Tahlil asosida “biomarkyor → EKG/Holter → strain-ExoKG → yurak MRT” ketma-ketligidagi bosqichli diagnostik algoritm DMda yurak zararlanishini erta aniqlashning istiqbolli va resurs-samarali modeli sifatida taklif etildi. Ushbu algoritmning mahalliy populyatsiyada klinik validatsiyasi zarur.

Hali tarjima qilinmagan

Identifikatorlar

Iqtiboslar va manbalar